"Тазалыко мугорын - тазалыко лул" - таӵе нимын ортчиз 7 оштолэзьэ Курчум-Норья школаын пиналъёслэсь тазалыксэс юнматонлы сӥзем ужрад. Пиналъёслэн активзы но школаысь вожатой быдэс арня дасяськизы та ужрадлы. Книгаосын, газетъёсын, журналъёсын адӟытон дасямын вал. Бадӟым класъёсын дышетскисьёс бордгазет поттӥзы. Ваньмыз та ужъёс сӥземын вал мугорез, лулэз тодонлы, тазалыкез юнматонлы.

День здоровья

Та нуналэ дышетскон кутскиз гимнастикаысен. Шулдыр эктон гур шудэм улсын физкультурая дышетӥсь Д.И. Александров пиналъёсты линейкае султытӥз, ӟечбуръяськиз но быдэс Россиын тазалыклы сӥзем праздникен ӟечкылаз. Собере упражнениос лэсьтыны кутскизы.

Тазалыкез юнматонлы сӥзем ужрадъёс быдэс нунал кыстӥськизы. Котькуд дышетӥсь урокъёсаз шутэтскон минутъёс ортчытъяз. Соос чакламын вал саклыкез, ӝоглыкез азинтонлы. Дежурной дышетӥсь - Е.И. Шарипова - но дежурной класс - 6 класс - переменаосын пиналъёсыз удмурт калык шудонъёсын ("Йыг-йыг", "Сукыр така", "Куинетӥез мултэс", "Нушмылёк") шулдыртӥзы.

Нош урокъёс бырем бере, самой бадӟымез ужрад, "Шулдыресь стартъёс", кутскизы. Дышетӥсьёс но, дышетскисьёс но бызьылӥзы, питыръяськизы - асьсэлэсь кужымзэс, быгатонлыкъёссэс эскеризы.

Тазалыклы сӥзем нунал йылпумъяськиз Айболитлэн нуназе сюдонэныз. Пӧрасьмы Л.В. Михайлова ваньзэсты фитобаре ӧтиз, отын со кунояз пӧртэм бакча сиёнъёсын, салатъёсын, ческыт юонъёсын.

Дышетӥсьёс но, дышетскисьёс но доразы капчи но шулдыр мылкыдын бертӥзы.